Artsakhpress

Հասարակական

Մոշաթաղում տեղի է ունեցել վերակառուցված միջնակարգ դպրոցի բացման արարողություն (լուսանկարներ)

«Հայրենասեր» կազմակերպության և ԱՀ կառավարության համատեղ ֆինանսավորմամբ, այսօր` սեպտեմբերի 16-ին, Քաշաթաղի շրջանի Մոշաթաղ համայնքում տեղի է ունեցել Մերուժան Ստեփանյանի անվան վերակառուցված միջնակարգ դպրոցի բացման հանդիսավոր արարողությունը:

Մոշաթաղում տեղի է ունեցել վերակառուցված միջնակարգ դպրոցի բացման արարողություն (լուսանկարներ)

Մոշաթաղում տեղի է ունեցել վերակառուցված միջնակարգ դպրոցի  բացման արարողություն (լուսանկարներ)
ՍՏԵՓԱՆԱԿԵՐՏ, 16 սեպտեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ` Քաշաթաղի շրջանի նորանշանակ հոգևոր հովիվ Տեր Բենիամին քահանա Ծատուրյանը հանդես է եկել օրհնության խոսքով:
Միջոցառմանն ԱՀ կրթության, գիտության և սպորտի նախարար Նարինե Աղաբալյանը նշել է, որ Քաշաթաղի շրջանի ազատագրված հողում ևս մեկ բարենորոգված դպրոց է բացվում:
Նախարարն իր խոսքում մասնավորապես ասել է. «Մեր ժողովուրդն այսպես է խոնարհվում  հերոսների առջև, այսպես է խոնարհվում նաև Մերուժանի առջև, ով իր կյանքը զոհբերել է հանուն այսօրվա: Վստահ եմ, որ մեր ուսուցիչներն անելու են ամեն ինչ, որ այստեղ կրթություն ստացող աշակերտները դառնան այն կարող ուժը, որն ապահովելու է այս հողի վերազարթոնքը: Մեր աշակերտներին և ուսուցիչներին   ուսման ոլորտում մաղթում եմ մեծագույն հաջողություններ»:
Մերուժան Ստեփանյանի հոր՝ Արթուր Ստեփանյանի  խոսքով, այն օրվանից, ինչ իրենց ընտանիքն  իմացել է, որ Մոշաթաղում բացվելու է իր որդու անվան դպրոց, գյուղը դարձել է հարազատ վայր:
Դիմելով աշակերտներին՝ Ա. Ստեփանյանն ասել է. «Սիրելի երեխներ մաղթում եմ ամենայն բարիք, ցանկանում եմ, որ դուք ստանաք այնպիսի կրթություն, որով կհպարտանան Ձեր ուսուցիչներն ու ծնողները: Հուզմունքս անսահման է, քանի որ Արցախում արդեն  իսկ  բացվել  է իմ որդու անունով դպրոց: Վստահ եմ, որ որ դուք արժևորում եք բոլոր այն տղաների սխրանքները, ովքեր իրենց կյանքը չխնայեցին հանուն հայրենիքի, ովքեր պայքարեցին այսօրվա համար»:
Մոշաթաղի միջնակարգ դպրոցի տնօրեն Անահիտ Հովհաննիսյանն իր ելույթում նշել է, որ կրթօջախն ունի 52 աշակերտ:
Խոսելով դպրոցի մասին՝ տնօրենն ասել է, որ այն գործում է 1995 թվականից:
«Մինչ վերանորոգելը մենք աշխատում էինք մութ ու խոնավ դասասենյակներում, սակայն հուսով էինք, որ ունենալու ենք լուսավոր ու ժամանակակից պայմաններին համապատասխան կրթօջախ: Հայ ժողովուրդն իր ինքնությունը պահել է թանկ գնով: Ապրիլյան քառօրյան նույնպես ապացուցել է, որ 18-20 տարեկան տղաները պատրաստ են հանուն հայրենիքի զոհաբերել իրենց կյանքը: Այդ տղաներից է նաև Մերուժան Ստեփանյանը, ում անունը միշտ վառ կպահենք մեր դպրոցում»:
Քաշաթաղի շրջվարչակազմի ղեկավար Ստեփան Սարգսյանն իր հերթին խորհին շնորհակալություն է հայտնել բոլոր այն մարդկանց, ովքեր իրենց ներդրումն են ունեցել Մոշաթաղի զարգացման գործում:
Մեզ հետ զրույցում «Հայրենասեր» կազմակերպության հիմնադիր Նելլի Մարտիրոսյանն էլ ասել է, որ դպրոցի հիմնանորոգման աշխատանքներն սկսվել են 2018 թվականից:
«Դպրոցաշինության ծրագրի շրջանակներում Քաշաթաղի շրջանում արդեն 6-րդ դպրոցն է հիմնանորոգվում. Հակ, Հերիք, Լեռնահովիտ, Բուրգավան, Մուշ համայնքներում արդեն ունենք ժամանակակից պայմաններին համապատասխան կրթական հաստատություններ: Դպրոցների վերակառուցման աշխատանքներն իրականացնում ենք սփյուռքահայ մեր հայրենակիցների նվիրատվության շնորհիվ: Երկհարկանի այս դպրոցում կառուցել ենք դահլիճ և զուգարաններ: ԱՀ կառավարության միջոցներով դպրոցում կառուցվել է կաթսայատուն, տեղադրվել են ջեռուցման համակարգեր  և  կահույք»,-ավելացրել է Ն Մարտիրոսյանը և տեղեկացրել, որ իրենց կազմակերպությունն ներկայումս զբաղվում  է Միրիք գյուղի  դպրոցի վերակառուցման աշխատանքներով:
Կրթօջախի բացման արարողությանը՝ դպրոցի աշակերտները հանդես են եկել հայրենասիրական երգերով ու բանաստեղծություններով:
Կարմիր ժապավենը կտրելու պատիվը տրվել է ապրիլյան պատերազմի ժամանակ զոհված Մերուժան Ստեփանյանի ծնողներին` Նունե և Արթուր Ստեփանյաններին և «Հայրենասեր» կազմակերպության հիմնադիր Նելլի Մարտիրոսյանին:
Միջոցառմանը ներկա էին ԱՀ նախագահ Բակո Սահակյանը, պետնախարար Գրիգորի Մարտիրոսյանը, պետական այլ այրեր, քաշաթաղցիներ, ովքեր շրջայց են կատարել կրթօջախում և ծանոթացել շենքային պայմաններին:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -61-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Սեպտեմբերի 1-ից բարձրագույն կրթությունը կդառնա անվճար. Նախագահ Հարությունյանը «Վերջին զանգի» առթիվ շնորհավորական ուղերձ է հղել

Խոշոր ավտովթար Մարտունի-Ննգի-Ստեփանակերտ ավտոճանապարհին

Նախագահի նոր նշանակումները. Կարեն Սարգսյանը նշանակվել է Արցախի արտակարգ իրավիճակների պետական ծառայության տնօրեն

Հայտնի է Արցախի նոր կառավարության և պետական կառավարման այլ մարմինների կառուցվածքը

Նախագահ Արայիկ Հարությունյանը նոր նշանակումներ է արել

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան

Կարեն Դանիելյանը նշանակվել է Արցախի նախագահի աշխատակազմի ղեկավար

Արայիկ Հարությունյանն ու Սամվել Բաբայանը համագործակցության հուշագիր են ստորագրել

Արցախում պետական հաստատություններում անվճար կրթության հնարավորությունը կունենա հետադարձ ուժ. Վահրամ Պողոսյան

Search