ՍՏԵՓԱՆԱԿԵՐՏ, 14 սեպտեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ միջոցառմանը  ազգային  երգերով  ու  պարերով  հանդես  են  եկել ԱՀ   մշակութային  համույթները    և  անհատ  կատարողները:

Փառատոնին ներկա  էին   ԱՀ  նախագահ  Բակո  Սահակյանը, պետնախարար  Գրիգորի  Մարտիրոսյանը, պետական  այրեր, հյուրեր, Արցախի   տարբեր  շրջաններից  ժամանած  քաղաքացիներ, ովքեր   շրջել  են   տաղավարներով՝  ծանոթացել    և  համտեսել  արցախյան  մեղրը,  ավանդական  ճաշատեսակներն  ու  քաղցրեղենները, ինչպես  նաև   դիտել  ներկայացված      ձեռքի  աշխատանքները:

Մեզ   հետ զրույցում Շահումյանի շրջվարչակազմի մշակույթի և երիտասարդության բաժնի վարիչ Վարսիկ Կաֆյանն   ասել է, որ  փառատոնին   ձևավորվել  է   շուրջ  70  տաղավար:

Ըստ   Վ. Կաֆյանի՝  մեղրի փառատոնի  նպատակը  ոչ  միայն ԱՀ  տարբեր շրջանների մեղվապահների համախմբումն է, այլև    Քարվաճառի  մեղրի  համն ու հոտը  ներկայացնելն ու  ճանաչելի  դարձնելը:

Քարվաճառի վերընտրված  քաղաքապետ   Սերգեյ  Չիլինգարյանի  խոսքով՝   փառատոնի  կազմակերպումն  իրենք   փորձելու են   դարձնել  ամենամյա:

«Այս  կերպ    շրջանում  փորձում  ենք   էլ ավելի  զարգացնել    մեղվաբուծությունը: Քանի  որ   քարվաճառցիների  մեծ   մասը    զբաղվում   է    մեղրի  արտադրությամբ, մենք  էլ   փորձում  ենք   ուշադրության  կենտրոնում  պահել     նրանց   աշխատանքը: Փառատոնի   կազմակերպումը    կխաթանի նաև  զբոսաշրջության  զարգացմանը»,-նշել  է  Ս. Չիլինգարյանը:

 

Փառատոնին մասնակից  Մարտակերտի   շրջանի Հաթերք գյուղի բնակիչ Արշավիր Սարգսյանը մեզ հետ զրույցում ասել է, որ ինքն արդեն 20 տարի է,ինչ զբաղվում է մեղվաբուծությամբ: 

«Ունեմ մեղվի  25  փեթակ: Անցած  տարիների   համեմատ, այս  տարի  լավ  մեղր ենք  ստացել. մեկ  փեթակից  վերցրել ենք  15  կգ  մեղր: Իրացման  խնդիր  չունենք: 1  կգ  մեղրի    արժեքը  կազմում  է  4000  դրամ»,-նշել  է  Ա. Սարգսյանը:

Նրա  խոսքով՝ փառատոնը մեղվապահներին հնարավորություն կտա, որպեսզի ծանոթանան նոր  գործընկերների հետ:    

«Հաթերք Ֆուդ»  ընկերության  ներկայացուցիչ Վիլեն Միրզախանյանն  էլ  ասել է, որ  արդեն 3  տարի  է,  ինչ   իրենք   զբաղվում  են  մեղվապահությամբ:  Ունեն  շուրջ  201  մեղվափեթակ. այս  տարի  ստացել են   մոտ   2  տոննա   մեղր:

«Վաճառքի   ենք  հանում  նաև   մեղրով  ընդեղեն, որն   իր  մեջ  պարունակում  է   չրեր  և  կտավատի, դդմի, արևածաղկի  և  այլ  սերմեր: Այն  ունի    օգտակար  մի  շարք  հատկանիշներ: Ընդեղենով մեղրն առնելու  ժամանակ  սպառողներին, որպես  նվեր     տրվում  է  գդալ  և  թեյ:   Մենք  ԱՀ-ում  և  ՀՀ-ում   մասնակցում  ենք  տարբեր  փառատոնների,  որը   արտադրանքը  ճանաչելի  է  դարձնում»,-մասնավորապես  ասել է  Վ.  Միրզախանյանը:

«ԱՀ  գյուղատնտեսության   նախարարությունը   մեղվաբույծների  համար    պարբերաբար  կազմակերպում  է   դասընթացներ, ինչպես  նաև  ՀՀ  և  ԱՀ   մեղվաբույծների   հանդիպում, որոնք  էլ  ավելի  են  խթանում   մեղվաբուծության   զարգացմանը: Ունենք  նաև  ծրագիր, ըստ  որի   պահեստազորային    սպաներին, ովքեր  ցանկություն  ունեն   զբաղվելու  մեղվապահությամբ,   անվճար    հիմունքներով  տրամադրում ենք  մեղվափեթակներ. ծրագիրը  լինելու  է  շարունակական»,- ավելացրել է նախարարը:

ԱՀ  մշակույթի, երիտասարդության  հարցերի և զբոսաշրջության   նախարար  Լեռնիկ   Հովհաննիսյանը  նշել է, որ   իրենց  կառույցը     մշակութային     միջոցառումների  կազմակերպման   մասով    աջակցել  է   փառատոնի  կայացմանը:

Ըստ  նախարարի՝    միջոցառումը  հնարավորություն  կտա, որպեսզի   Շահումյանի   շրջանի  կարողություններն     ի  ցույց   դրվեն, ինչպես  նաև  ապահովեն  զբոսաշրջության  մեծ  հոսք, որն  էլ   կբերի  տնտեսական  զարգացման: