Artsakhpress

Հասարակական

Ստեփանակերտում մեկնարկել է «Հայոց պետականության անցյալը, ներկան ու ապագան» միջազգային 4-րդ գիտաժողովը

Ստեփանակերտի «Վալլեքս Գարդեն» հյուրանոցային համալիրում այսօր մեկնարկել է «Արցախի երիտասարդ գիտնականների և մասնագետների միավորում» (ԱԵԳՄՄ) հասարակական կազմակերպության կողմից կազմակերպվող «Հայոց պետականության անցյալը, ներկան ու ապագան» միջազգային երիտասարդական 4-րդ գիտաժողովը:

Ստեփանակերտում մեկնարկել է «Հայոց պետականության անցյալը, ներկան ու ապագան» միջազգային 4-րդ գիտաժողովը

Ստեփանակերտում մեկնարկել է «Հայոց պետականության անցյալը, ներկան ու ապագան» միջազգային 4-րդ գիտաժողովը
ՍՏԵՓԱՆԱԿԵՐՏ, 13 սեպտեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ միջոցառմանը բացման խոսքով հանդես է եկել գիտաժողովի կազմկոմիտեի նախագահ, ԱԵԳՄՄ հիմնադիր նախագահ, իրավաբանական գիտությունների թեկնածու, դոցենտ Ավետիք Հարությունյանը:
Նա նշել է, որ գիտաժողովի նպատակն է գիտատեսական քննարկումների բազմակողմ հարթակ բերել հայոց պետականության, մասնավորապես՝ վերջին հարյուրամյակի հիմնախնդիրները, ինչպես նաև բացահայտել երիտասարդների գիտական ներուժը և գիտության երիտասարդացումը:
«Այս տարի նախամեծար համարեցինք գիտաժողովը նվիրել Հայաստանի մայր բուհի՝ Երևանի պետական համալսարանի հիմնադրման 100-ամյակին, որը ոչ միայն համազգային ու գիտամշակութային հոբելյան է, այլև գիտակրթական ասպարեզում ԵՊՀ-ի ձեռքբերումների մի յուրօրինակ ամփոփում: Կազմակերպության գլխավոր առաքելությունն է գիտական դիվանագիտության միջոցով Արցախն աշխարհին ճանաչելի դարձնել: Գիտաժողովին մասնակցում են 111 գիտնականներ ու մասնագետներ, այդ թվում` պրոֆեսորներ Գերմանիայից, Ֆրանսիայից, Լեհաստանից, Ռուսաստանից, Ուկրաինայից, Հարավային Օսեթիայի Հանրապետությունից, Հայաստանից և Արցախից»,- ասել է Ա. Հարությունյանը:
Գիտաժողովին օրհնանքի խոսքով հանդես է եկել Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը: Նա նշել է, որ շուրջ 600 տարի հայերը պետականություն չեն ունեցել, և այստեղ ներկա գիտնականների վերլուծություններով պետք է լուրջ հետություններ անել, թե ինչպես ամուր պահել հայոց պետականությունը, որպեսզի հարատև խաղաղություն իշխի տարածաշրջանում: Արցախի թեմի առաջնորդը վստահ է գիտաժողովի արդյունքները կհարստացնեն մասնակիցների միտքն ու իմացությունը:
Իր հերթին ԱՀ կրթության, գիտության և սպորտի նախարար Նարինե Աղաբալյանն ասել է, որ գիտաժողովը առիթ է Արցախում համախմբելու ոչ միայն գիտնականներին և հետազոտողներներին, այլև արտերկրի գործընկերներին, ովքեր անտարբեր չեն Արցախում ապրող ժողովրդի ճակատագրով և իրենց մասնագիտական կարողություններով նպաստում են պատմական իրողությունների վերլուծությանը, Արցախի մասին օբյեկտիվ տեղեկատվության տարածմանը:
«Գիտաժողովը նվիրված է ԵՊՀ 100-ամյա հոբելյանին, և այս փաստն ինքնին խոսում է այն մասին, որ Արցախում արժևորում և գնահատում են Հայաստանի մայր բուհի անցած ճանապարհն ու դերակատարությունը: Ուրախալի է, որ երիտասարդ գիտնականները և մասնագետները հանձնառու են պահպանելու և շարունակելու ձևավորված ավանդույթները»,- ավելացրել է ԱՀ ԿԳՍ նախարարը:
 
Երևանի պետական համալսարանի ռեկտորի ժամանակավոր պաշտոնակատար, ՀՀ Գիտությունների ազգային ակադեմիայի ակադեմիկոս, ֆիզմաթ գիտությունների դոկտոր, պրոֆեսոր Գեղամ Գևորգյանի շնորհավորական ուղերձը գիտաժողովի մասնակիցներին է ներկայացրել ԵՊՀ պրոռեկտոր Ռաֆայել Բարխուդարյանը: Նա գիտաժողովի մասնակիցներին մաղթել է արդյունավետ աշխատանք և նշել, որ բազմաթիվ երիտասարդ գիտնականների և մասնագետների մասնակցությունն այս միջոցառմանը կարևոր ազդեցություն կունենա իրենց հետագա մասնագիտական զարգացման և համագործակցության համար:
Այունհետև մեկնարկել են գիտաժողովի լիագումար նիստի աշխատանքները, որին զեկուցումներով հանդես կգան ականավոր հայ և օտարազգի գիտնականներ: Հաջորդիվ գիտաժողովի աշխատանքները կշարունակվեն իրավագիտության, քաղաքագիտության, պատմության, տնտեսագիտության, արվեստագիտության, լրագրության, գրականագիտության և մանկավարժության բաժանմունքներում:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -23-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Ջաբրայիլի հոսպիտալի բժիշկները բարդ վիրահատությամբ փրկել են 18-ամյա զինծառայողի կյանքը

Սահմանված անվանակարգերում հայտնի են բերքի տոնի հաղթողները

Արցախը երբևիցե ՀՀ մարզ չի լինելու. Վիտալի Բալասանյան

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Կայացել է «Վաղվա Արցախ» կուսակցության հիմնադիր համագումարը

Search