Ստեփանակերտի «Պոլ Էլյուարի տուն ֆրանկոֆոնիայի կենտրոն» հիմնադրամի նախաձեռնությամբ այսօր՝ սեպտեմբերի 11-ին, Շառլ Ազնավուրի անվան մշակույթի կենտրոնում, ֆրանսիացի պատվիրակների՝ ի դեմս «Ֆրանսիա-Արցախ» բարեկամության շրջանակի նախագահ Գի Տեսիեինի համար կազմակերվել է մշակութային միջոցառում:
Ֆրանսիացի պատվիրակների համար կազմակերպվել է մշակութային միջոցառում (լուսանկարներ)
ՍՏԵՓԱՆԱԿԵՐՏ, 11 սեպտեմբերի, ԱՐՑԱԽՊՐԵՍ: Միջոցառման ընթացքում հյուրերը ծանոթացել են Հադրութի և Շուշիի մանկապատանեկան ստեղծագործական կենտրոնների սաների ձեռքի աշխատանքներին, որից հետո Ֆրանսիայի պատվիրակությունը ներկա է գտնվել համերգային ծրագրի, որին մասնակցել են Ստեփանակերտի, Մարտունու, Հադրութի, Շուշիի արվեստի դպրոցների երեխաները:
«Արցախպրես»-ի թղթակցի հետ զրույցում «Պոլ Էլյուարի տուն ֆրանկոֆոնիայի կենտրոն» հիմնադրամի տնօրեն Նելլի Ավանեսյանն ասել է, որ նման ծրագրերի շրջանակներում իրենք փորձում են ցույց տալ, որ արցախցիները սիրով են սովորում ֆրանսերեն, ինչպես նաև բացահայտում Ֆրանսիան:
«Հյուրերին փորձում ենք ներկայացնել նաև Արցախի մշակույթն ու պատմությունը: «Պոլ Էլյուարի տուն ֆրանկոֆոնիայի կենտրոն»-ում ֆրանսերենն ուսուցանվում է 2016 թվականից: Այսօր արդեն ունենք 3 խումբ, իսկ 2020 թվականին ընդլայնելու ենք խմբերի քանակը: Շատ ուրախ եմ, որ ամեն տարի ունենում ենք աշակերտներ, ովքեր ֆրանսերենը խորն ուսումնասիրելու համար ցանկություն են հայտնում իրենց հետագա ուսումը շարունակել բարձրագույն բուհերում»,- մասնավորապես ասել է Ն. Ավանեսյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -39-:
