Artsakhpress

Քաղաքական

Մասիս Մայիլյանը և Զոհրաբ Մնացականյանն ամփոփել են ԱՀ և ՀՀ ԱԳՆ կենտրոնական ապարատների համատեղ խորհրդակցության արդյունքները

Այսօր կայացած ԱՀ և ՀՀ արտաքին գործերի նախարարությունների կենտրոնական ապարատների համատեղ խորհրդակցությունից հետո երկու գերատեսչությունների ղեկավարներ Զոհրաբ Մնացականյանը և Մասիս Մայիլյանն ամփոփել են հանդիպման արդյունքները, ապա պատասխանել լրագրողների կողմից բարձրացված հարցերին:

Մասիս Մայիլյանը և Զոհրաբ Մնացականյանն ամփոփել են ԱՀ և ՀՀ ԱԳՆ կենտրոնական ապարատների համատեղ խորհրդակցության արդյունքները

Մասիս Մայիլյանը և Զոհրաբ Մնացականյանն ամփոփել են ԱՀ և ՀՀ ԱԳՆ կենտրոնական ապարատների համատեղ խորհրդակցության արդյունքները
ՍՏԵՓԱՆԱԿԵՐՏ, 2 սեպտեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ`  իր խոսքում ՀՀ ԱԳ նախարար Զոհրաբ Մնացականյանն ասել է, որ խորհրդանշական է, որ դիվանագիտական և հյուպատոսական ծառայությունների ղեկավարների այցն ավարտվում է Արցախում:
«Մեր դեսպանահավաքը տարբեր առումներով ուներ կարևորություն: Նախ և առաջ շատ կարևոր է այսօր լինել Արցախում և միասին տոնել Արցախի Հանրապետության հռչակման 28-րդ տարեդարձը: Մյուս կարևոր հարցը թերևս այն է, որ մենք միանշանակ նպատակ ունենք օգտագործելու այս առիթը մեր դիվանագիտական անձնակազմերի և ԱՀ արտաքին գործերի նախարարության աշխատակիցների միջև խորացնելու ու ամրապնդելու երկխոսությունը: Միասին աշխատելու համար ունենք բավական հստակ ձևավորված օրակարգ, որպեսզի ավելի համապարփակ և համալրված կատարենք մեր մոտեցումները ու գնահատականներն առաջին հերթին ԼՂՀ հակամարտության խաղաղ կարգավորման գործընթացի ենթատեքստում, ինչպես նաև օրակարգային բազմաթիվ այլ հարցերում»,- մանրամասնել է Զ. Մնացականյանը:
ՀՀ ԱԳ նախարարը կարևոր է հատկապես ԱՀ Նախագահ Բակո Սահակյանի և դիվանագիտական կորպուսի միջև տեղի ունեցած հանդիպումը, որը հնարավորություն տվեց առաջին դեմքից լսել առկա բոլոր գերակայությունների մասին, անվտանգության և զարգացման օրակարգերի վերաբերյալ:
Իր հերթին ԱՀ արտաքին գործերի նախարար Մասիս Մայիլյանը բարձր է գնահատել հանդիպումը և նշել, որ վերջին տարիների համար սա աննախադեպ խորհրդակցություն էր երկու հայկական հանրապետությունների արտաքին գործերի նախարարությունների կենտրոնական ապարատների ու արտերկրում ՀՀ դիվանագիտական և հյուպատոսական ծառայությունների ղեկավարների միջև: Վերջին նման հանդիպումը տեղի է ունեցել 2003 թ.-ին:
«Այսօր ունեցել ենք օգտակար քննարկում, որը հնարավորություն տվեց մտքեր փոխանակելու և տարբեր հարցեր քննարկելու: Արտերկրում աշխատող մեր գործընկերները ևս բարձր են գնահատել խորհրդակցությունների արդյունքները ու աշխատելու են առաջ քաշել հայկական շահերի պաշտպանությունը»,- ավելացրել է Մ. Մայիլյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -65-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԱՄՆ-ից ժամանած բժիշկները Ստեփանակերտի բուժմիավորումներում կիրականացնեն հետազոտություններ և վիրահատություններ

Ընտրախախտումների վերաբերյալ նոր հաղորդումներ են ստացվել

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Ստեփանակերտի որոշ փողոցներում ժամանակավորապես կդադարեցվի գազամատակարարումը

Հայաստանում գրանցված երկրաշարժի էպիկենտրոնում ստորգետնյա ցնցման ուժգնությունը կազմել է 6-7 բալ

2014թ.-ից հանդիսանում եմ «Ազատ հայրենիք» կուսակցության անդամ. Մարտակերտի քաղաքապետը հերքում է կեղծ լուրերը

Քարվաճառում առաջին անգամ կազմակերպվել է մեղրի փառատոն (լուսանկարներ)

Search