Artsakhpress

Հարցազրույց

Քաղաքային օրակարգի հանրային հնչեղություն ունեցող հարցերը կդրվեն հանրաքվեի. Արեգ Ավագյան

Սեպտեմբերի 8-ին Արցախում կայանալիք տեղական ինքնակառավարման մարմինների ընտրություններին Ստեփանակերտ քաղաքում առաջադրված քաղաքապետի թեկնածուներից է Արեգ Ավագյանը:

Քաղաքային օրակարգի հանրային հնչեղություն ունեցող հարցերը կդրվեն հանրաքվեի. Արեգ Ավագյան

Քաղաքային օրակարգի հանրային հնչեղություն ունեցող հարցերը կդրվեն հանրաքվեի. Արեգ Ավագյան
ՍՏԵՓԱՆԱԿԵՐՏ, 29 օգոստոսի, ԱՐՑԱԽՊՐԵՍ: Նա հինգ թեկնածուներից մեկն է, ով մայրաքաղաքը ավելի բարեկարգ դարձնելու իր տեսլականն է ներկայացնում: 
«Արցախպրես»-ի թղթակիցը մայրաքաղաքում առկա խնդիրների և ներկայացվող նախընտրական ծրագրի մասին զրուցել է Արեգ Ավագյանի հետ:
-Պարո՛ն Ավագյան, նախընտրական ի՞նչ ծրագրով եք հանդես գալիս: Կխնդրեի առաձնացնել հիմնական դրույթները:
-Մենք ունենք տարբեր գաղափարներ տարբեր ոլորտներում հաջողության հասնելու համար: Ծրագրում ներառված են մի շարք ոլորտներ, որտեղ մեր կարծիքով կան խնդիրներ: Մասնավորապես՝ քաղաքաշինության ոլորտում նախատեսում ենք իրականացնել սոցիալական բնակարանաշինության ծրագիր՝ ապահովելով քաղաքի գլխավոր հատակագծի պահանջներին համապատասխան հողհատկացումներ մայրաքաղաքի տարբեր տարածքներում: Տրանսպորտի ոլորտում պետք է գործի ժամանակակից տեխնիկական միջոցներով հագեցած տրանսպորտային ցանց: Մայրաքաղաքի Նոր Արեշ, Կրկժան և Աջափնյակ թաղամասերում կներդրվի տրանսպորտային ցանց:
Նախատեսում ենք մշտապես ուշադրության կենտրոնում պահել աղբահանման խնդիրը, հատկապես ծայրամասային թաղամասերում աղբահանման գործընթացը ժամանակին կազմակերպելու համար: Քաղաքային օրակարգի հանրային մեծ հնչեղություն ունեցող հարցերը կդրվեն քաղաքային հանրաքվեի: Ինչպես գիտենք, մայրաքաղաքի համար չլուծվող խնդիր է մնում կոյուղու, ինչպես նաև հորդառատ անձրևների հետևանքով առաջացած ջրի հեռացումը: Հետևողական ու անընդմեջ աշխատանքի շնորհիվ  հետամուտ կլինենք այդ խնդիրների լուծմանը: Ոլորտը ուսումնասիրելուց հետո կոնկրետ առաջարկություններով  հանդես կգանք՝ հետագայում նման խնդիրներից խուսափելու  համար:
-Իսկ մայրաքաղաքում առկա խնդիրներից որո՞նք եք առաջնահերթ համարում:
-Բոլոր առկա խնդիրները ունեն իրենց առաջնահերթությունը: Վստահեցնում եմ՝ կամքի, նվիրումի, աշխատասիրության, ազնիվ և խելացի մոտեցման դեպքում բոլոր խնդիրները լուծելի են:
-Պարո՛ն Ավագյան, Ձեր կարծիքով՝ համայնքի բյուջեն կբավարարի՞ մայրաքաղաքի հիմնական խնդիրները լուծելու համար:
-Համայնքի բյուջեն շատ քիչ է, և չեմ կարծում, որ Ստեփանակերտի խնդիրների լուծմանը դա կբավականացնի: Սակայն, գտնում եմ, որ վերջիվերջո կարելի է  լավ ֆինանսական ծրագրեր կազմել, կարելի է  միջազգային ծրագրերի մասնակցել: Ինձ թվում է լավ կառավարման դեպքում կարելի է  այդ ամենը կազմակերպել:
- Որպես քաղաքապետի թեկնածու՝ ու՞մ եք համարում հիմնական մրցակից:
-Ընտրություններն ինքնին լուրջ գործընթաց են, ուստի չեմ կարող առանձնացնել որևէ մեկին: Բոլոր թեկնածուները արժանի մրցակիցներ են: Բոլորիս հաջողություն եմ ցանկանում:
-Իսկ ի՞նչպես եք գնահատում Ձեր շանսերը:
-Ես առաջադրվել եմ, քանի որ բարձր եմ գնահատում իմ շանսերը և, ի զորու եմ մասնակցելով ՏԻՄ ընտրություններին, իրական փոփոխություններ իրականացնել, այլ ոչ թե մասնակցել մասնակցելու համար:  Ես անհատապես կանխատեսումներ անելու փոխարեն կձգտեմ ամեն օր այդ շանսերը մեծացնել: Համոզված եմ՝ հաջողելու ենք:
 
-Պարո՛ն Ավագյան, ինչու՞ պետք է ստեփանակերտցին ընտրի հենց Ձեզ:
 
 - Բայց ինչու՞ ոչ ինձ: Կարծում եմ՝ մարդիկ հիմա բոլորը բոլորին ճանաչում են, գիտեն բոլորի անցած ուղին, գիտեն` ովքեր ինչի են ընդունակ, ինչեր են արել իրենց պատմության ընթացքում: Եվ կարծում եմ, որ քաղաքացին այս անգամ իր քվեն կկարողանա  արդյունավետ տրամադրել այն թեկնածուին, որին իսկապես սատարում է:
Հարցազրույցը՝ Անի Ավանեսյանի
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -37-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԱՄՆ-ից ժամանած բժիշկները Ստեփանակերտի բուժմիավորումներում կիրականացնեն հետազոտություններ և վիրահատություններ

Ընտրախախտումների վերաբերյալ նոր հաղորդումներ են ստացվել

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Ստեփանակերտի որոշ փողոցներում ժամանակավորապես կդադարեցվի գազամատակարարումը

Հայաստանում գրանցված երկրաշարժի էպիկենտրոնում ստորգետնյա ցնցման ուժգնությունը կազմել է 6-7 բալ

Բացառիկ զորավարժություն, որին ներգրավված կլինեն ողջ երկիրն ու յուրաքանչյուրը․ ՀՀ ՊՆ

ՀՀ ԱԱԾ տնօրեն Արթուր Վանեցյանը հրաժարականի դիմում է ներկայացրել

Search