Artsakhpress

Վերլուծական

​Սիրիայում փոխվում են ռազմախաղի կանոնները

Իդլիբի շրջանը կամ ընդհանրապես սիրիական տարածքները ահաբեկչազերծելու ռազմական գործողությունների շղթայազերծումը Սիրիայում նոր իրավիճակ է ստեղծում։

​Սիրիայում փոխվում են ռազմախաղի կանոնները

​Սիրիայում փոխվում են ռազմախաղի կանոնները

ՍՏԵՓԱՆԱԿԵՐՏ, 24 օգոստոսի, ԱՐՑԱԽՊՐԵՍ: Ընթացող ռազմական գործողությունների, որոնք հատկանշվում են թե՛ օդուժի հարվածներով եւ թե՛ ցամաքային տեղաշարժերով, ըստ էության բացատրվում են Սիրիայի տարածքային ամբողջականության Դամասկոսի կողմից հսկողության վերականգնման միտումներով, հայտնում է ankakh.com-ը:

Պարզ է սակայն, որ նման լայնածավալ գործողությունը չի իրականացվի սիրիական պաշտոնական ուժերի կողմից առանց մեծ դաշնակցի հովանավորչության, ուղղակի մղման․ քաղաքական տրամաբանությամբ` նույնիսկ նախաձեռնության: Այլ խոսքով, ռուսական ռազմական որոշումը իրականացվում է սիրիական ուժերով եւ որն ընթանում է Իդլիբում ահաբեկչության դեմ պայքարի վճռական բնույթի համոզումը փոխանցելով:

Տվյալ շրջանի ահաբեկիչների խմբավորումները տարբաղադրական մոտեցման ենթարկելիս, նկատվում է, նրանց պետական միջավայրերի ֆինանսավորումը, աջակցությունն ու հովանավորչությունը՝ ազդեցության գոտիների պահպանման պատերազմի ուժերի հարաբերակցության կարեւոր գործոնի համատեքստում։

Իհարկե, դժվար չէ ենթադրել, որ խոսքը ուղղակիորեն Անկարայի մասին է, որ Իդլիբի ահաբեկչական գործոնը շահարկում է անվտանության գոտու ստեղծման իր առաջնային նպատակը իրականցնելու՝ հյուսիսային ուղղությունների վրա:

Անկարայի շահարկած այս գործոնի չեզոքացման վճռական փուլի մասին է խոսքը, որի մեկնարկման կանաչ լույսը վառել է Մոսկվան: Մինչ, Վաշինգտոնը իը «այո-ոչ»-ի պարանաձգության խաղին է ներքաշել Անկարային` անվտանգության գոտու (չ)ստեղծման առաջադրանքով:

Թեհրան-Անկարա-Մոսկվա նոր հանդիպման հայտարարության վերաբերող պաշտոնական լրատվությունները չեն հաջողում փարատել հատկապես Մոսկվա-Անկարա մերձեցման եւ Սիրիայի տարածքում համաձայնեցված գործողություններ իրականացնելու ռազմավարական պայմանավորվածությունների ընթացքը: Իդլիբը փաստորեն շրջում է այդ կարգը եւ խախտում սիրիայական ռազմադաշտում մինչ այժմ երեւացած ռազմախաղի կանոնները:

Խախտված կանոնների մասին է վկայում պաշտոնական Անկարայի այն հրապարակումը, որ Թուրքիայի նախագահը մտադիր է առաջիկա օրերին իր ռուս պաշտոնակցի հետ հեռախոսազրույց ունենալ, քննարկելու համար Իդլիբի զարգացումները եւ թուրքական զինվորական շարասյունի ռմբակոծման հարցը:

Սիրիայում ռազմական համաձայնեցված գործողությունների, ինչպես նաեւ ռազմավարական գլխավոր առանցքների շուրջ համագործակցող կողմերի իրականացնելի գործողություններին լրատվությունն անհամապատասխան է:

Անկարան փաստորեն գետին է կորցնում. Սիրիայում ահաբեկչազերծման նպատակով իրականացվող գործողությունները ոչ միայն չեզոքացնում են Անկարայի շահարկման ռազմական գործոնները, այլ նաեւ հարվածում Սիրիայում տեղակայված թուրքական հենակետերին։ Մինչ, Անկարային չի թույլատրվում իր դեմ սպառնալիք նկատվող քրդական հենակետերի չեզոքաքումը նպատակադրած գոտիների ստեղծումը կամ ընդհանրապես վճռական գործողությունների ձեռնարկելը։

Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -12-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Մակրոնի հրահանգով կարգելվի թուրք իմամների մուտքը Ֆրանսիա

Ջալալ Հարությունյանը նշանակվել է Արցախի պաշտպանության բանակի հրամանատար

Հանրապետությունում դադարեցվել են հանրակրթական և նախադպրոցական ուսումնական հաստատությունների պարապմունքները

Դժբախտ պատահար Մարտակերտի շրջանում. ավտոմեքենան գլորվել է ձորը

Ստեփանակերտի որոշ դեղատներում խախտումներ են արձանագրվել

Հանրապետության որոշ դպրոցներում դադարեցվել են դասերը

Կորոնավիրուսային թոքաբորբը, որպես կանոն, բարդություններ չի առաջացնում. չինացի ակադեմիկոս

Իրանը հայտնել Է կորոնավիրուսով վարակման երեք նոր դեպքի մասին

Չինաստանում նշել են, թե որքան է տևում նոր կորոնավիրուսի գաղտնի շրջանը

Search