Ռուսաստանի Դաշնության նախագահ Վլադիմիր Պուտինը և նրա թուրք պաշտոնակից Ռեջեփ Թայիփ Էրդողանը հեռախոսազրույցի ժամանակ պայմանավորվել են ակտիվացնել ջանքերը Սիրիայի հյուսիսարևմտյան մասում գտնվող Իդլիբ նահանգում ահաբեկչական սպառնալիքները չեզոքացնելու համար:
Պուտինը և Էրդողանը պայմանավորվել են ակտիվացնել հակաահաբեկչական ջանքերը Սիրիայի հյուսիս-արևմուտքում
ՍՏԵՓԱՆԱԿԵՐՏ, 23 օգոստոսի, ԱՐՑԱԽՊՐԵՍ: Այս մասին գրում է РИА Новости-ն՝ Կրեմլի մամուլի ծառայությանը հղումով:
«Քննարկվել են Իդլիբի դեէսկալացիայի գոտում իրավիճակի կայունացման համատեքստում ռուս-թուրքական փոխգործակցության հարցերը: Կողմերը պայմանավորվել են ակտիվացնել համատեղ ջանքերն այդ տարածքից ահաբեկչական սպառնալիքները վերացնելու համար և ապահովել 2018թ.-ի սեպտեմբերի 17-ին Սոչիում ստորագրված հուշագրի իրականացումը»,- tert.am-ի փոխանցմամբ՝ ասված է հաղորդման մեջ:
Հիշեցնենք, որ Թուրքիայի հետ սահմանին գտնվող Իդլիբում, որը Սիրիայի՝ կառավարության հսկողության տակ չգտնվող նահանգներից է, ըստ ՌԴ նախագահ Վլադիմիր Պուտինն ու Թուրքիայի նախագահ Ռեջեփ Թայիփ Էրդողանի համաձայնության, պետք է ապառազմականացված գոտի ստեղծվեր, ինչի նպատակով թուրքական կողմն իր զինված ուժերն է տեղակայել նահանգում, սակայն ապրիլից կառավարական ուժերը մեծացրել են նահանգի նկատմամբ գրոհները: Արդյունքում արդեն հարյուրավոր քաղաքացիական անձինք են զոհվել:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարինուղարկելով sms հաղորդագրություն՝ նշելով համապատասխան կոդը` -43-:
