Artsakhpress

Հարցազրույց

Անելու ենք ամեն ինչ թափանցիկ և բաց գործունեություն իրականացնելու համար. Արայիկ Ավանեսյան

Սեպտեմբերի 8-ին Արցախում կայանալիք տեղական ինքնակառավարման մարմինների ընտրություններին Ստեփանակերտ քաղաքում առաջադրվել է քաղաքապետի հինգ թեկնածու:

Անելու ենք ամեն ինչ թափանցիկ և բաց գործունեություն իրականացնելու համար. Արայիկ Ավանեսյան

Անելու ենք ամեն ինչ թափանցիկ և բաց գործունեություն իրականացնելու համար. Արայիկ Ավանեսյան
ՍՏԵՓԱՆԱԿԵՐՏ, 23 օգոստոսի, ԱՐՑԱԽՊՐԵՍ: Նախընտրական ծրագրի, մայրաքաղաքում առկա խնդիրների և դրանց լուծման տեսլականի շուրջ «Արցախպրես»-ի թղթակիցը զրուցել է «Ինքնություն և միասնություն» կուսակցության կողմից առաջադրված քաղաքապետի թեկնածու Արայիկ Ավանեսյանի հետ:
-Պարո՛ն Ավանեսյան, նախընտրական ի՞նչ ծրագրով եք հանդես գալիս: Կխնդրեի առաձնացնել հիմնական դրույթները:
- Նախընտրական ծրագրի հենց առաջին կետը վերաբերում է քաղաքապետարանի աշխատանքների որակի բարելավմանը, Ստեփանակերտի քաղաքապետի աշխատելաոճի փոփոխությանը, քաղաքապետի և քաղաքապետարանի լիազորությունների ընդլայնմանը: Կարևորում ենք Ստեփանակերտ քաղաքի հստակեցված իրավական կարգավիճակը, քաղաքապետարանի աշխատակազմի հաստիքացուցակի օպտիմալացումը՝ աշխատանքի արդյունավետության բարձրացմամբ: Անելու ենք ամեն ինչ թափանցիկ և բաց գործունեություն իրականացնելու համար: Պլանավորում ենք Ստեփանակերտի քաղաքապետարանին կից ունենալ հանրային խորհուրդ, որը կզբաղվի այդ ամենի վերահսկողությամբ: Այսինքն՝ կլինի հայացք դրսից: Այդ կազմին պլանավորում ենք մասնակից դարձնել հանրությանը, ինտերակտիվ կապի միջոցով:
-Իսկ մայրաքաղաքում առկա խնդիրներից որո՞նք եք առաջնահերթ համարում:
-Ամենահրատապ հարցը գլխավոր հատակագծի բացակայությունն է: Մոտ ապագայում պետք է ունենանք Ստեփանակերտ քաղաքի գլխավոր հատակագիծը: Երկրորդ կարևոր հարցը մայրաքաղաքի փողոցների ջրահեռացման համակարգի անմխիթար վիճակն է: Իհարկե, կատարված աշխատանքների վրա աչք չենք փակում, սակայն չխոսել, որ քաղաքում առկա է խնդիրը, կլինի սխալ:
-Պարո՛ն Ավանեսյան, Ձեր կարծիքով՝ համայնքի բյուջեն կբավարարի՞ մայրաքաղաքի հիմնական խնդիրները լուծելու համար:
-Իհարկե, բավարար չէ: Բազմիցս խոսել եմ այդ մասին և կարծում եմ՝ Ստեփանակերտի քաղաքապետարանի իրավական կարգավիճակը հստակեցնելուց հետո մենք անդրադառնալու ենք ֆինանսական անկախ գործունեությանը: Մայրաքաղաքի բյուջեի մուտքային մասերը պետք է բազմապատկվեն, որպեսզի Ստեփանակերտի և ստեփանակերտցիների հարցերով զբաղվի ու այդ ծրագրերը նախագծի ու իրականացնի բնակչության կողմից ընտրված պաշտոնատար անձը՝ ի դեմս քաղաքապետի: Ցավոք սրտի, ներկայումս սահմանափակ իրավասություններ ունի քաղաքապետը, իսկ խնդիրները բազմաթիվ են: Բնակչության հետ հանդիպումների ընթացքում ի հայտ են գալիս սոցիալական և կենցաղային հարցեր, այդ թվում՝ ասֆալտապատում, բակերի բարեկարգում, տանիքների վերակառուցում, շքամուտքերի վերանորոգում: Իսկ այդ հարցերը լուծելու համար անհրաժեշտ են բավականին ֆինանսական միջոցներ: Մուտքերը ավելացնելու ենք նաև քաղաքապետարանի սեփականություն հանդիսացող օբյեկտների վարձակալության միջոցով:
- Որպես քաղաքապետի թեկնածու՝ ու՞մ եք համարում հիմնական մրցակից:
- Ընդհանրապես, այդ մասին չեմ մտածում: Մենք ունենք նախընտրական հստակեցված սցենար, որով էլ շարժվում ենք: Այդ պատճառով չենք մասնակցում սոցիոլոգիական կանխատեսումներին: Պետք է ձևավորվի ծրագրերի և տեսլականների պայքար: Ընտրությունների ընթացքում մեր թիմը ձևավորում է նոր մշակույթ, և օգտագործում ենք ցանկացած առիթ` բնակչության հետ հանդիպելու:
-Իսկ ի՞նչպես եք գնահատում Ձեր շանսերը:
-Բավականին բարձր եմ գնահատում իմ շանսերը, քանի որ ես ու իմ թիմը կազմակերպում ենք լուրջ ընտրարշավ:
-Պարո՛ն Ավանեսյան, ինչու՞ պետք է ստեփանակերտցին ընտրի հենց Ձեզ:
- Ցանկացած հանդիպման ես չեմ խնդրում որևէ ստեփանակերտցու ընտրել ինձ: Հորդորում եմ բոլորին լինել ակտիվ ոչ միայն ընտրությունների օրը, այլև ընտրարշավի ողջ ընթացքում, մասնակցել հանդիպումներին և, իհարկե, պահանջել հանդիպումներ: Մեր թիմը դիմել է Արցախի հանրային հեռուստատեսությանը` դեբատներ կազմակերպելու առաջարկով: Ուստի հորդորում եմ բոլոր մեր քաղաքացիներին միանալ մեր կոչին: Հարթակները կարող են լինել տարբեր, այդ թվում` ուղիղ եթերի միջոցով: Վստահ եմ՝ այս ընտրությունները պետք է իրականացվեն հենց այդ ձևով: Իսկ ընտրություն կատարելուց առաջարկում եմ հետևել երեք սկզբունքների՝ վստահել փորձին, գիտելիքին և անկեղծությանը: Այդ 3 սկզբունքներն էլ պետք է մարմնավորվեն 1 թեկնածուի մեջ: Ես վստահեցնում եմ, որ ես ու իմ թիմը ունենք բոլոր անհրաժեշտ նախադրյալները լինել ժողովրդական քաղաքապետ՝ պաշտպանելով ցանկացած բնակչի շահերը:
Հարցազրույցը՝ Անի Ավանեսյանի
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -18-:

     

Քաղաքական

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

ՀՀ-ի և ԵՄ-ի միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար. «Հայաստանի բարեկամներ» ցանցի զեկույցը

Հայաստանի և Եվրոպական միության միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար։

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search