Artsakhpress

Հասարակական

Արցախում հարցվածների 82.3%-ը պատերազմի վերսկսման դեպքում պատրաստ է պայքարելու և մեկնելու առաջնագիծ. հարցում

Սույն թվականի հուլիսին Արցախի Հանրապետության ողջ տարածքում իրականացվել է զանգվածային սոցիոլոգիական հետազոտություն՝ ուղղված Արցախի բնակչության սոցիալ-քաղաքական դիրքորոշումները, պատկերացումներն ու սպասումներն ուսումնասիրելու։

Արցախում հարցվածների 82.3%-ը պատերազմի վերսկսման դեպքում պատրաստ է պայքարելու և մեկնելու առաջնագիծ. հարցում

Արցախում հարցվածների 82.3%-ը պատերազմի վերսկսման դեպքում պատրաստ է պայքարելու և մեկնելու առաջնագիծ. հարցում

ՍՏԵՓԱՆԱԿԵՐՏ, 14 օգոստոսի, ԱՐՑԱԽՊՐԵՍ: Հետազոտությունն իրականացրել էր հայաստանյան «ԷՄՊԻՐԻԿԱ» հետազոտական և խորհրդատվական ընկերությունը, որը 2014 թվականից գործունեություն է ծավալում սոցիոլոգիական և մարքեթինգային հետազոտությունների ոլորտում, փոխանցում է aravot-ը:

Հետազոտության խնդիրներն են եղել դասակարգել Արցախի բնակիչներին անհանգստացնող սոցիալական հիմնախնդիրները, պարզել Արցախի բնակիչների կարծիքը և դիրքորոշումներն արցախյան և հայաստանյան քաղաքական գործիչների, գործող քաղաքական ուժերի նկատմամբ, վեր հանել նրանց սպասումներն ու ակնկալիքները քաղաքական ինստիտուտներից և պաշտոնյաներից:

Հետազոտության ընթացքում տեղեկատվությունը հավաքագրվել է և՛ քանակական, և՛ որակական սոցիոլոգիական հետազոտական ավանդույթների շրջանակում՝ կիրառվել են զանգվածային հարցման և ֆոկուս-խմբային քննարկումների մեթոդները մայրաքաղաք Ստեփանակերտում և Արցախի բոլոր 7 շրջաններում: 

Որպես Արցախի հասարակության առջև ծառացած առաջնային ամենակարևոր հիմնախնդիր՝ հարցվողների կողմից առանձնացվել է աշխատատեղերի պակասը և գործազրկությունը, այնուհետև սոցիալական այլ խնդիրներ:

Հարցվածների 82.3%-ը պատերազմի վերսկսման դեպքում պատրաստ է պայքարելու և մեկնելու առաջնագիծ:

Հարցվածների 57%-ը դրական է արտահայտվել Հայաստանում տեղի ունեցած փոփոխությունների և ՀՀ վարչապետ Նիկոլ Փաշինյանի վերաբերյալ:

«Ու՞մ կցանկանային տեսնել Արցախի նախագահի պաշտոնում» հարցի պատասխանները բաշխվել են հետևյալ կերպ. հարցվողների բավականին մեծ թիվ դեռևս կողմնորոշված չէ իրենց նախապատվություններում՝ «դժվարանում եմ պատասխանել» տարբերակը նշել են 28.4% – ը, այնուհետև՝ բավականին մեծ թվով հարցվածներ նշել են Արայիկ Հարությունյանի անունը (14.2%), երկրորդ տեղում է Սամվել Բաբայանը (11.3%), իսկ երրորդ տեղում՝ Վիտալի Բալասանյանը (7.3%) : Հարցման ընթացքում հնչած մյուս գործիչների անունները բավականին ցածր տոկոս հարցվողներ են նշել:

Վերլուծությունն ըստ Արցախի Հանրապետության տարբեր շրջանների ցույց է տալիս, որ Վիտալի Բալասանյանի կողմնակիցներն էական տեսակարար կշիռ ունեն Ասկերանում՝ 25.2%: Սամվել Բաբայանի կողմնակիցների թիվը համեմատաբար Վ. Բալասանյանի կողմնակիցների գերազանցում են գրեթե բոլոր շրջաններում, սակայն միևնույնն է զիջում է Արայիկ Հարությունյանի կողմնակիցների թվին՝ հատկապես Մարտակերտում, Շահումյանում, Քաշաթաղում և Հադրութում: Հատկանշական է, որ Արայիկ Հարությունյանին սատարողները բավական հավասարաչափ են բաշխված բոլոր շրջաններում:

Այսպիսով՝ ԱՀ մայրաքաղաք Ստեփանակերտում Ա. Հարությունյանի կողմնակիցների թիվը՝ (13.3%) Ս. Բաբայանի կողմնակիցների թվին փոքր ինչ զիջում է (11.9%), իսկ Վ. Բալասանյանին նշածների թիվը Ստեփանակերտում էապես ավելի ցածր է (5.0%): Շուշիում, Ասկերանում և Մարտունիում միանշանակ բարձր են Ս. Բաբայանի դիրքերը մյուս երկու թեկնածուների համեմատ: Վիտալի Բալասանյանին սատարողների տեսակարար կշիռը գերազանցում է մյուս երկու թեկնածուներին միայն Ասկերանում: Արայիկ Հարությունյանի ընտրազանգվածը մյուս երկու թեկնածուներից ավելի մեծ է Քաշաթաղում (16%), Մարտակերտում (14.5%), Շահումյանում(10.7%), և Հադրութում(6.9%)։

Հարցվածներին հնարավորություն էր տրվել նաև առանձնացնել Արցախի ժամանակակից այն քաղաքական գործիչներին, ում գործունեությունը նրանք հավանում են: Այսպիսի հարցադրման դեպքում Արցախի բնակիչների համակրանքները դասավորվեցին հետևյալ կերպ՝

1. Արայիկ Հարությունյան՝ 13.4%,

2. Աշոտ Ղուլյան` 10.9%,

3. Վիտալի Բալասանյան` 10.6%,

4. Սամվել Բաբայան` 7.9%,

5. Բակո Սահակյան` 6.8%,

6. Մասիս Մայիլյան` 4.2%:  

Հարցվածների գերակշռող մեծամասնությունը՝ 95.5%, որևէ քաղաքական կուսակցության չեն անդամակցում:

Բնակչության 61.8%-ը ոչ մի կուսակցության չի համակրում: Համակիրների ամենաբարձր տոկոսն ունի «Ազատ Հայրենիք» կուսակցությունը՝ 16.9%: 7.8% համակրում են ԱԺԿ-ին, 5.1%` «Արդարություն» կուսակցությանը և 3.2%` ՀՅԴ կուսակցությանը: Հինգերորդ տեղում «Ազգային Վերածնունդ» կուսակցությունն է` 2%:

Այսպիսով՝ այս հետազոտության արդյունքների համաձայն բնակչության քաղաքական սպասումների պատկերը հաջորդ տարվա մարտին կայանալիք ընտրություններից գրեթե կես տարի առաջ այսպիսինն է։ 

Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարինուղարկելով sms հաղորդագրություն՝ նշելով համապատասխան կոդը` -61-:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ջաբրայիլի հոսպիտալի բժիշկները բարդ վիրահատությամբ փրկել են 18-ամյա զինծառայողի կյանքը

Սահմանված անվանակարգերում հայտնի են բերքի տոնի հաղթողները

Արցախը երբևիցե ՀՀ մարզ չի լինելու. Վիտալի Բալասանյան

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Սիրիայում Թուրքիայի հարձակման հետևանքով ավելի քան 130 000 մարդ փախստական է դարձել. ՄԱԿ

Էրդողանը մեկնում է Բաքու

Search