Երեկ Արցախի Ազգային վիճակագրական ծառայության ֆեյսբուքյան էջում հրապարակվել են կապի ոլորտին առնչվող որոշ տվյալներ, որոնք չեն արտացոլում ոլորտի իրական պատկերը:
Ի՞նչ ցուցանիշներ են գրանցվել բջջային կապի ոլորտում. «Ղարաբաղ Տելեկոմ»-ը հանդես է եկել հայտարարությամբ
ՍՏԵՓԱՆԱԿԵՐՏ, 14 օգոստոսի, ԱՐՑԱԽՊՐԵՍ: Այդ առնչությամբ «Ղարաբաղ Տելեկոմ» ընկերությունը տարածել է հայտարարություն:
Ստորև ներկայացված աղյուսակում «Ղարաբաղ Տելեկոմի» 2018-2019թթ. առաջին կիսամյակային ցուցանիշերն են.
Աղյուսակը փաստում է, որ չնայած որոշ ծառայությունների ծավալի աճին՝ մեր Ընկերության եկամուտը նվազել է, որի բացատրությունը սակագների պարբերական իջեցումն է:
Մենք իրավասու չենք մեկնաբանել Արցախի Ազգային վիճակագրական ծառայության մեթոդաբանությունը, սակայն պնդում ենք, որ հնարավոր շփոթության պատճառ կարող է դառնալ «փաստացի» և «համադրելի» եզրույթներով գների համեմատությունը: Եվ Ծառայության արձանագրած «համադրելի» գներով աճն իրականում, Ընկերության համար 1.3%-ով ընդհանուր եկամտի նվազում է:
Չնայած փաստացի նյութական կորստին, «Ղարաբաղ Տելեկոմը» հավատարիմ է իր պարտավորություններին և դրանք կատարում է ամբողջ ծավալով:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -30-:
