Artsakhpress

Վերլուծական

Նախարարը, խորհրդականը, տնօրենը, հաղորդավարն ու Թրամփի որոշումը

ԱՄՆ-Իրան պատերազմի բռնկման նախաշեմային իրավիճակը շրջելու որոշումը, ամերիկյան եւ ընդհանրապես համաշխարհային մամուլի փոխանցած լրատվություններով, բացառապես վերագրվում է նախագահ Թրամփի անձնական որոշմանը:

Նախարարը, խորհրդականը, տնօրենը, հաղորդավարն ու Թրամփի որոշումը

Նախարարը, խորհրդականը, տնօրենը, հաղորդավարն ու Թրամփի որոշումը
ՍՏԵՓԱՆԱԿԵՐՏ, 23 հունիսիԱՐՑԱԽՊՐԵՍ: Իրանյան հակօդային ուժերի կողմից ամերիկյան անօդաչու սարքի չեզոքացումը հակահարվածի ենթահողի պատրաստության առիթ էր տվել: Ավելին, հետագայում հաղորդվել էր, որ ռմբաձիգները բարձրացել էին արդեն հարվածելու համար իրանյան հենակետերը, սակայն վերջին պահին ԱՄՆ նախագահը վիժեցրել էր գործողությունը։
Այս բոլորն ավելի պատումնային բնույթի եղելությունների տպավորություն են թողնում, եւ ոչ թե փոխանցում ռազմաքաղաքական որոշումներով իրականացվող դիպաշարի համոզումը:
Դժվար ընկալելի պիտի լիներ այն, որ ԱՄՆ թե՛ պաշտպանության նախարարը, թե՛ նախագահի անվտանգության հարցերի գլխավոր խորհրդականը եւ թե՛ արտաքին հետախուզության տնօրինությունը միանշանակ համաձայն լինեին համարժեք հակահարված տալու, ռմբաձիգերը պիտի բարձրանային եւ վերջին պահին նախագահը կասեցներ գործողությունը:
Որքան էլ երկրի նախագահը սահմանադրական իրավասություն ունենա պատերազմական գործողության դիմելու կամ որոշում բեկանելու, այնուամենայնիվ,  ենթադրվում է, որ զուտ անձնական հիմունքով չեն ընթանում նման որոշումների կայացումն ու իրականացումը:
Պատումնային արարները շարունակվում են: Նախագահ Թրամփի գործողությունը կասեցնելու որոշման վրա ազդել է Fox News հեռուստաընկերության հաղորդավար Թաքեր Կարլսոնի որոշումը:
Բեմագրությունը հետեւյալն է. պաշտոնական Վաշինգտոնի համապատասխան բաժանմունքների ղեկավարները` պաշտպանության նախարար, անվտանգության գլխավոր խորհրդական եւ արտաքին հետախուզության տնօրեն ընդդեմ «Ֆոքս նյուզի» հաղորդավարի: Վերջինիս տեսակետը ավելի ծանրակշիռ է, քան ոլորտի մասնագետ պատասխանատուների համոզումը։
Տարբեր հանգամանքներ կարող են բացատրել վերջին պահին Թրամփի որոշումը, բայց ոչ հաղորդավարի կարծիքը: Ավելի ճիշտ` անհրաժեշտ է քաղաքական տրամաբանությամբ ընկալել հրամցված բեմագրությունը: Գուցե ի սկզբանե իրանյան հենակետեր ռմբակոծելու որոշում գոյություն չուներ. անհրաժեշտ էր սակայն հայտարարել, որ նախապատրաստություն կա այդ ուղղությամբ, թե վարչակարգի ուժային բաժանմունքները տարակարծիք չեն գործողության դիմելու եւ տնտեսական պատժամիջոցների ենթարկված Իրանը այս ձեւով ենթարկվում է նաեւ ռազմական պատժամիջոցի: Նախագահ Թրամփի բարեխղճությունն է, որը կասեցրել է ոչ համարժեք զոհեր խլելու հավանականությունից խուսափելու համար։
Ահա նախագահ Թրամփի մարդկային երեսը, որ հեռուստացույցի հաղորդավարի կողմից բացատարվում է առաջիկա ընտրությունների վարկանիշի ապահովման հզոր գործոնով: Այլապես Թրամփի կողմից հակահարվածի իրականացումը, ըստ հաղորդավարի, կնկատվի խելացնորություն:
Ամերիկյան այս պատումը ներքին սպառման համար կարող է լավ շուկա նվաճել եւ գուցե նաեւ իսկապես ազդել ընտրական վարկանիշի վրա: Թեեւ Թրամփի ծայրահեղությունը նախընտրողները կարող են  դրական նկատել Իրանի դեմ ուղղված ռազմական քայլը:
Արտաքին քաղաքականության մակարդակում նախագահ Թրամփի հայտարարություններն ու կատարած քայլերը համահնչեղությամբ չեն հատկանշվում: Հյուսիսային Կորեայի նախագահին ուղղված սպառնալիքներին հաջորդած ոչ թե միջուկային պատերազմի առաջնորդող քայլերը, այլ քաղաքական մեղրամիս ուրվագծող հանդիպումները վարքագծի կտրուկ շեղումներ էին, տրամագծորեն հակառակ ուղղությամբ:
Չի բացառվում այս բոլորով հանդերձ, որ վերջին պահին սահմանափակ ռազմական գործողություն իրականացվի: Հանկարծակի, ինչպես կասեցումը` հայտարարված, ցուցադրված նախապատրաստված գործողության: Նախընթաց օրինակները նկատի ունենալով, սակայն, չի բացառվում նաեւ, որ քաղաքական մեծ առեւտրային գործարքի հետեւանքով կտրուկ փոփոխության ենթարկվեն Վաշինգտոն-Թեհրան հարաբերությունները: Հյուսիսային Կորեայի նախադեպը դա է հուշում։
 
ՇԱՀԱՆ ԳԱՆՏԱՀԱՐՅԱՆ
«Ազդակ» թերթի գլխավոր խմբագիր

     

Քաղաքական

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

ՀՀ-ի և ԵՄ-ի միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար. «Հայաստանի բարեկամներ» ցանցի զեկույցը

Հայաստանի և Եվրոպական միության միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար։

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search