Artsakhpress

Հարցազրույց

Համահայկական հիմնադրամը որդեգրել է նոր ռազմավարություն. Հայկակ Արշամյանը մանրամասներ է ներկայացնում

«Հայաստան» համահայկական հիմնադրամի պատվիրակությունը եռօրյա այցով գտնվում է Արցախում:

Համահայկական հիմնադրամը որդեգրել է նոր ռազմավարություն. Հայկակ Արշամյանը մանրամասներ է ներկայացնում

Համահայկական հիմնադրամը որդեգրել է նոր ռազմավարություն. Հայկակ Արշամյանը մանրամասներ է ներկայացնում
ՍՏԵՓԱՆԱԿԵՐՏ, 21 հունիսիԱՐՑԱԽՊՐԵՍ: Կատարած այցի, օրերս կայացած հոգաբարձուների խորհրդի նիստի և մի շարք այլ հարցերի շուրջ «Արցախպրես»-ի թղթակիցը զրուցել է հիմնադրամի գործադիր տնօրեն Հայկակ Արշամյանի հետ:
Հարցազրույցն ամբողջությամբ ներկայացնում ենք ստորև.
-Պարո’ն Արշամյան, օրերս կայացած հոգաբարձուների խորհրդի նիստին ներկայացվեց հիմնադրամի նոր ռազմավարությունը: Ի՞նչ է իրենից ներկայացնում այն:
-Նոր ռազմավարության շնորհիվ փորձելու ենք ընդլայնել այն ցանցը, որը հիմնադրամը ունի ամբողջ աշխարհում: Ցանկանում ենք այնպես անել, որ այդ ցանցը աշխատի Հայաստանի ու Արցախի կայուն զարգացման ծրագրեր սնելու նպատակով: Այսինքն` բարեգործություն անելուց բացի, մենք ընտրելու ենք այնպիսի շեմ,  որը  բարեգործական ծրագրերը կհասցնի երկարատև զարգացող և էլ ավելի արդյունավետ աստիճանի:
-Իսկ հայտնի՞ է արդյոք, թե այս տարվա հեռուստամարաթոնն ինչին է ուղղվելու:
-Կան մի քանի թեմաներ, սակայն հոգաբարձուների խորհրդի նիստի ժամանակ որոշվեց, որ ամբողջական մեկ-երկու ծրագրեր կլինեն, և դրանցից մեկը, վստահաբար կարող եմ ասել, որ կապված կլինի Արցախի հետ: Հենց այդ ծրագրերի շուրջ կկազմակերպենք Հեռուստամարաթոնը:
Ռազմավարության փոփոխությունը կայանում է նաև նրա մեջ, որ հիմնադրամը ցանկանում է ամբողջ տարվա ընթացքում դրամահայթայթման տարբեր գործիքներ օգտագործել կոնկրետ ծրագրերի համար: Հենց այդ նպատակով շուտով կգործարկվի մեր նոր կայքը, որտեղ կդրվեն ծրագրեր, որոնց համար էլ տարվա ընթացքում կկազմակերպվի դրամահավաք:  Առցանց տարբերակով մարդիկ կարող են գումարներ նվիրաբերել ցանկացած պահի և իրենց ուժերի ներածին չափով:  Այդ կերպ կփորձենք մեծացնել համայն հայության ներգրավվածությունը: Նոր կայքի բոլոր էջերը գրեթե պատրաստ են, այժմ աշխատում ենք դոմեյնի վրա, որը պետք է ավելի միջազգայնացնենք: Նոր կայքը հնարավորություն է տալու ցանկացած մարդու տեսնելու թե՛ իրագործված ծրագրերը, թե՛ ընթացքում գտնվողները և թե՛ ինչքան գումար է ծախսվել այդ ուղղությամբ:
-Պարո’ն Արշամյան, արդյո՞ք դա չի խանգարելու ավանդական հեռուստամարաթոնին:
- Կարծում եմ` հեռուստամարաթոնին բնավ չի խանգարի, քանի որ ըստ էության հեռուստամարաթոնը համազգային միասնության իմաստ ունեցող սիմվոլ է: Մենք կպահենք դրամահավաքի այդ երկու ձևերը, բնականաբար հեռուստամարաթոնի ժամանակ կաշխատենք, որպեսզի խոշոր դոնորները և հանրությունը մասնակցություն ունենան հայրենիքի զարգացմանը` միևնույն ժամանակ առանձին փոքր ծրագրերով փորձելով այլ գումարներ ներգրավել: Առցանց դրամահավաքը ոչ թե այլընտրանքային մեթոդ է, այլ պարզապես լրացնում է հեռուստամարաթոնին:
-Իսկ հնարավո՞ր է, որ Արցախը Հայաստանին կապող երրորդ ճանապարհի կառուցման ծրագիրը ընդգրկվի այս տարվա Հեռուստամարաթոնի ծրագրում:
-Այն շատ կարևոր գաղափար է, քանի որ այդ ճանապարհով մենք ընդգծում ենք մեր միասնականությունը: Սակայն, կարծում եմ, գաղափարը պետք է ավելի շատ մշակվի և փաթեթավորվի ճիշտ ձևով: Պետք է հասկանանք նաև դրա տնտեսական ազդեցությունը և որքան տնտեսական հավելյալ արժեք կբերի երրորդ ճանապարհի կառուցումը: Հնարավոր է նաև, որ այդ ճանապարհի կառուցումն ընդգրկվի ծրագրում:
-Հետաքրքիր է` Արցախում ընթացիկ ի՞նչ ծրագրեր ունեք:
- Արցախում ներկայումս ընթացող բազմաթիվ ծրագրեր ունենք, որոնք կենսական նշանակություն ունեն համայնքների զարգացման համար: Դա խորքային հորերի, նոր մանկապարտեզների և դպրոցների շինարարությունն է, վերջերս իրականացված մարզադաշտերի շինարարությունը, Մատաղիսի ճանապարհահատվածի կառուցումը: Միևնույն ժամանակ փորձում ենք նոր պիլոտային ծրագրեր իրականացնել, որոնք կնպաստեն ոչ միայն համայնքների, այլև տարածաշրջանի կայուն և հարատև զարգացմանը:
-Պարո’ն Արշամյան, եռօրյա այցի ընթացքում պատվիրակության անդամների հետ ներկա եք գտնվում մի շարք կենտրոնների շահագործմանը, ինչպես նաև ծանոթանում ընթացիկ աշխատանքներին: Ինչպե՞ս կգնահատեիք կատարված աշխատանքները և ի՞նչ ակնկալիքներ ունեք այս այցից:
- Եռօրյա այցը տարբեր երկրներում տարածքային հանձնախմբերի ղեկավարների և բարերարների համար է կազմակերպվում: Տարեկան ավանդական այցելության նպատակը այդ ծրագրերի ընթացքին ծանոթանալն է և հասկանալը առկա հնարավորությունների չափը: Կան բարերարներ, որոնք հանդես են գալիս իրենց ծրագրերով: Հենց այդ նպատակով էլ նրանց համար հնարավորություն է ստեղծվում տեղում տեսնելու աշխատանքները: Իսկ կատարված աշխատանքների արդյունքները տեսանելի են:
Հարցազրույցը` Անի Ավանեսյանի

     

Ռազմական

Հասարակական

Տնտեսական

Ամենադիտված

ամիս

շաբաթ

օր

Հադրութի քաղաքապետի հայտարարությունը զրպարտանք է. «Ղարաբաղ Տելեկոմ»

Թուրք ցեղասպանագետ. Պատմական օր է ոչ միայն հայերի, այլև Թուրքիայի ժողովրդի համար

Նախագահը կոնկրետ հանձնարարականներ է տվել ճանապարհային երթեւեկության անվտանգության խնդիրները կարգավորելու համար

Ստեփանակերտի շուրջ 25 փողոցներում կառուցվելու է երթևեկության արհեստական անհարթություններ. նախարար

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Արցախցի մարզիկներն արժանացել են ոսկե մեդալների

Բակո Սահակյանն օրենքներ է ստորագրել

Առաջիկա օրերի եղանակն Արցախում

Search