Մոլդովայի հյուսիսային Ատակի քաղաքում փլվել է 9-հարկանի բնակելի շենքի մի մասը:
Մոլդովայում մասնակիորեն 9-հարկանի շենք է փլուզվել, բնակիչներին հաջողվել է ժամանակին տարհանել
«Արտակարգ իրավիճակների հարցերով հանձնաժողովը շտապ մեկնում է դեպքի վայր: Շատ լավ է, որ ժամանակին արձագանքեցինք և հասցրինք օպերատիվ կերպով տարհանել բնակիչներին»,- tert.am-ի փոխանցմամբ՝ գրել է Դոդոնը ֆեյսբուքյան իր էջում:
Վաղուց վթարային վիճակում գտնվող շենքի մասնակի փլուզումը տեղի է ունեցել երեկոյան՝ ժամը 21:20-ի սահմաններում: Փլուզումից ժամեր առաջ փրկարարները շենքից 46 բնակչի են տարհանել, որոնց թվում նաև երեխաներ են եղել:
Ոստիկանությունը շրջափակել է շենքը, դեպքի վայր են ժամանել արտակարգ իրավիճակների հարցերով հանձնաժողովի անդամները: