Ստեփանակերտի մշակույթի և երիտասարդության պալատում կայացել է «Հումորի լիգա» նախագծի նոր ներկայացումը:
Ստեփանակերտում կայացել է «Հումորի լիգա» նախագծի նոր ծրագիրը
ՍՏԵՓԱՆԱԿԵՐՏ, 19 հունիսի, ԱՐՑԱԽՊՐԵՍ: Միջոցառմանը հումորային համարներով ներկայացել են «Շանթ» հեռուստաընկերության «Հումորի լիգա» նախագծի «Զվերապոլիս», «Հեթ-Տրիկ», «Գոլֆ երեք» և «Արցախի բուհերի հավաքական» թիմերը:
«Արցախպրես»-ի թղթակցի հետ զրույցում «Հումորի լիգա»-ի տնօրեն Արամ Մելիքյանն ասել է, որ իրենց նպատակն է Արցախի հանդիսատեսին փոխանցել դրական էներգիա և որոշ ժամանակով փոխել քաղաքացիների առօրյան:
Նրա խոսքով՝ Արցախի ժողովուրդը շատ լավ է ընկալում իրենց ներկայացրած հումորը:
Ըստ Ա. Մելիքյանի՝ միջոցառումը նպատակ ունի նաև միավորել Արցախում և Հայաստանում ապրող երիտասարդներին:
Խոսելով Արցախի բուհերի հավաքականի մասին՝ մեր զրուցակիցն նաև ասել է, որ նրանք թիմում կան յուրահատուկ, խարիզմատիկ երիտասարդներ. նրանք կարողանում են իրենց ներկայացրած հումորով գրավել հանդիսատեսի սրտերը:
Խոսելով առաջիկա ծրագրերի մասին՝ Ա. Մելիքյանն ասել է որ իրենք արդեն հրավերներ են ստացել արտերկրից՝ ներկայացնելու համար «Հումորի լիգա»-ն:
