Artsakhpress

Տնտեսական

«Կուտակային կենսաթոշակների մասին» օրենքն ընդունվել է առաջին ընթերցմամբ

Այսօր կայացած Ազգային ժողովի արտահերթ նիստում 19 կողմ, 5 դեմ, 3 ձեռնպահ ձայների հարաբերակցությամբ առաջին ընթերցմամբ ընդունվել է «Կուտակային կենսաթոշակների մասին» օրենքը, որը ներկայացվել է կից փաթեթով:

«Կուտակային կենսաթոշակների մասին» օրենքն ընդունվել է առաջին ընթերցմամբ

«Կուտակային կենսաթոշակների մասին» օրենքն ընդունվել է առաջին ընթերցմամբ
ՍՏԵՓԱՆԱԿԵՐՏ, 14 հունիսի, ԱՐՑԱԽՊՐԵՍ«Արցախպրես»-ի թղթակցի հաղորդմամբ՝ այն Խորհրդարանին է ներկայացրել ԱՀ ֆինանսների նախարար Արթուր Հարությունյանը:
Նախարարի խոսքով՝ օրենքի նախագծի ընդունումը բխում է Արցախում կենսաթոշակային բարեփոխումների իրականացման, կենսաթոշակային համակարգի կուտակային բաղադրիչի ներդրման, դրա կառավարման և պետական կարգավորման անհրաժեշտությունից:
«Հանրապետությունում ներկայումս գործում է բաշխողական կենսաթոշակային համակարգ, որը ֆինանսավորվում է ԱՀ պետական բյուջեից: Քանի որ բյուջետային սահմանափակ միջոցների հաշվին հնարավոր չէ ապահովել կենսաթոշակառուի նույն եկամտի մակարդակը, ինչը անձը ունենում էր աշխատանքային տարիներին, նախագծով առաջարկվում է ստեղծել մի համակարգ, որը միջին և երկար ժամկետում կապահովի կայուն և ինքնաֆինանսավորվող կենսաթոշակային համակարգ՝ նպաստելով կենսաթոշակառուների կյանքի որակի բարելավմանը: Առաջարկվող կուտակային համակարգը միջազգային պրակտիկայում կիրառվող լավագույն փորձի օրինակ է, որի կիրառմամբ անմիջական կապ է ստեղծվում անձի եկամուտների և կենսաթոշակի միջև»,- նշել է Ա. Հարությունյանը:
Նախարարը ընդգծել է, որ միևնույն ժամանակ կուտակային կենսաթոշակային համակարգը ապահովում է անձի աշխատունակ տարիքում եկամտի և կենսաթոշակային տարիքում կենսաթոշակի միջև էական տարբերության բացառումը: Կուտակային բաղադրիչի մասնակիցը կուտակային կենսաթոշակից բացի ստանալու է հիմնական սոցիալական կենսաթոշակ, ինչպես նաև աշխատանքային կենսաթոշակ՝ մինչև 2019 թ.-ի հուլիսի 1-ը աշխատած տարիների համար, եթե այդ պահի դրությամբ ունի 10-ը և ավելի տարվա աշխատանքային ստաժ: Համաձայն նախագծի՝ կուտակային կենսաթոշակի պարտադիր մասնակից են համարվում 1974 թ.-ի հունվարի 1-ից հետո ծնված վարձու աշխատողները, քաղաքացիա-իրավական պայմանագրերով եկամուտներ ստացող ֆիզիկական անձինք և անհատ ձեռնարկատերերը, որոնց թիվը 2019 թ.-ի մայիսի 1-ի դրությամբ կազմում է շուրջ 26 հազար 500 քաղաքացի, որոնցից 23 հազար 960-ը՝ քաղաքացիա-իրավական պայմանագրերով աշխատող և 2600-ը՝ անհատ ձեռնարկատեր: Կուտակային համակարգին կարող են կամավոր միանալ նաև մինչև 1974 թ.-ի հունվարի 1-ը ծնված անձինք և ինքնազբաղված անձինք: Զուգահեռ «Եկամտային հարկի մասին» ԼՂՀ օրենքի փոփոխությամբ՝ 2019 թ.-ի հուլիսի 1-ից եկամտային հարկի դրույքաչափը նվազեցվում է 1 տոկոսային կետով՝ սահմանելով 20 %:
Այսպիսով՝ 2019 թ.-ի հուլիսի 1-ից վարձու աշխատողների կողմից լրացուցիչ վճարվող գումարը կկազմի աշխատավարձի 1.5 %-ը: Միաժամանակ նվազագույն ամսական աշխատավարձ ստացող անձանց եկամուտները չեն նվազի, քանի որ գործատուն պարտավոր է այդ չափով բարձրացնել աշխատավարձը:
Գլխադասային հանձնաժողովի դրական եզրակացությունը ներկայացրել է ԱԺ սոցիալական հարցերի և առողջապահության հանձնաժողովի նախագահ Արարատ Օհանջանյանը:
Մինչ քվեարկությունը «Դաշնակցություն» խմբակցության պատգամավոր Ռիտա Մնացականյանը նշել է, որ «Կուտակային կենսաթոշակների մասին» օրենքի նախագիծը, իրենց խմբակցությունն ընդունել էր գաղափարի ճիշտ լինելը, սակայն սխալ է համարում իրականացման ձևը:
«Մասնավորապես՝ խմբակցությանը մտահոգել էր, որ չէր ապահովվում կամավորության սկզբունքը, այլ օրենքի նախագիծը պարտադրում էր քաղաքացու մասնակցությունը և զրկում նրան անհատական որոշումներ կայացնելու ազատ իրավունքից: Մեր կարծիքով՝ կամավորության սկզբունքի կիրառումը կհանգեցնի գործընթացի ճիշտ գնահատմանը և ճիշտ մեթոդաբանության դեպքում ինքնըստինքյան կավելանա քաղաքացիների ընդգրկվածության թիվը: Օրենքից ընդունվելու տիրույթից դուրս է մնում քաղաքացիների մի հոծ զանգված, որը եկամուտ ուներ, սակայն չուներ աշխատավարձ: Ներկա օրենքի նախագծով մասնակիորեն հաշվի է առնվել մեր խմբակցության հնչեցրած առաջարկությունների մի մասը և պարտադիր բաղադրիչի հետ զուգակցվել է կամավորության սկզբունքը, սակայն չի վերացվել պարտադիր բաղադրիչը: Մեզ առավել մտահոգում է այն, որ այդ գումարները շրջանառության մեջ են դրվելու Արցախի և Հայաստանի Հանրապետությունների սահմաններից դուրս: Արտասահմանյան ֆինանսական այս կառույցների հետ, որոնց միջոցով նախատեսվում է  իրագործել վերոնշյալ գործընթացը, հարաբերությունների ճշգրտման և պատասխանատվության չափաբաժնի հստակեցման անհրաժեշտություն ենք տեսնում»,- ավելացրել է Ռ. Մնացականյանը:
Պատգամավորը հայտարարել, որ իրենց խմբակցությունը դեմ է քվեարկելու օրենքի նախագծին:
Այնուհետև Խորհրդարանն անցել է երկրորդ քվեարկության, ըստ որի նախագծի վերաբերյալ գրավոր առաջարկների ներկայացման փաթեթի համար սահմանվել է 10 օր: Որոշման այս նախագծին կողմ է քվեարկել 25, դեմ՝ 1 պատգամավոր:

     

Քաղաքական

Հայաստանի և Ղազախստանի ԱԳ նախարարները ստորագրել են երկու գերատեսչությունների միջև 2024-2025թթ. գործողությունների ծրագիրը

Հայաստանի և Ղազախստանի արտաքին գործերի նախարարներ Արարատ Միրզոյանը և Մուրատ Նուրտլեուն ստորագրել են երկու գերատեսչությունների միջև 2024-2025թթ. գործողությունների ծրագիրը:

Ղազախստանն իր միջմայրցամաքային ծրագրերում չափազանց մեծ նշանակություն է տալիս Հայաստանին. Մուրատ Նուրտլեու

Հաշվի առնելով Հայաստանի աշխարհագրական առավելությունը՝ երկիրը չափազանց մեծ նշանակություն ունի Ղազախստանի համար՝ միջմայրցամաքային ծրագրերի առումով:

Ղազախստանն իր միջմայրցամաքային ծրագրերում չափազանց մեծ նշանակություն է տալիս Հայաստանին. Մուրատ Նուրտլեու

Հաշվի առնելով Հայաստանի աշխարհագրական առավելությունը՝ երկիրը չափազանց մեծ նշանակություն ունի Ղազախստանի համար՝ միջմայրցամաքային ծրագրերի առումով:

Հայաստանը և Ղազախստանը հնարավորություն ունեն նոր էջ բացել երկկողմ հարաբերություններում․ Միրզոյան

Հայաստանը և Ղազախստանը պատրաստակամ են զարգացնել երկկողմ հարաբերությունները և իրացնել չօգտագործված հնարավորությունները։

Տնտեսական

Հասարակական

ՀՀ իշխանությունները պետք է հասնեն Ադրբեջանի կողմից Արցախի գերեվարված ռազմաքաղաքական ղեկավարների և բոլոր գերիների առանց պայմանի ազատ արձակմանը․ Մայր Աթոռ

Ն․Ս․Օ․Տ․Տ․ Գարեգին Երկրորդ Ամենայն Հայոց Կաթողիկոսի նախագահությամբ Հայաստանի եպիսկոպոսները և թեմակալ առաջնորդները հանդես են եկել հայտարարությամբ Արցախի Հանրապետության գերեվարված ռազմաքաղաքական ղեկավարների հիմնարար իրավունքների ոտնահարման դեպքերի վերաբերյալ։

Մշակվել է ծրագիր, որի միջոցով ԼՂ-ից բռնի տեղահանվածները կարող են ուսում ստանալ և աշխատանքի անցնել պետական աջակցությամբ

Մշակվել է ծրագիր, որի միջոցով Լեռնային Ղարաբաղից բռնի տեղահանվածները կարող են ուսում ստանալ և աշխատանքի անցնել պետական աջակցությամբ:

Ադրբեջանցիներն Արցախում ավերել են զոհված զինծառայողներին նվիրված հուշահամալիրը, անհետացրել է 13-րդ դ. արձանագիր խաչքարը

Ադրբեջանցիներն ավերել են Արցախի Ծար գյուղում գտնվող արցախյան ազատամարտում զոհված հայ զինծառայողներին նվիրված հուշահամալիրը, անհետացրել 1224 թ․ արձանագիր խաչքարը։

ԼՂ-ից բռնի տեղահանված 7 ընտանիք 16 միլիոն դրամ կստանա՝ սահմանամերձ գյուղերում բնակարան կառուցելու համար

Լեռնային Ղարաբաղից բռնի տեղահանված 7 ընտանիք 16-ական միլիոն դրամ կստանա՝ սահմանամերձ գյուղերում բնակարան կառուցելու համար։

Ռազմական

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Տեսանյութեր

ավելին

Ամենադիտված

ամիս

շաբաթ

օր

ԼՂ-ից բռնի տեղահանվածների համար նախատեսված «40+10 հազար» ծրագիրը կշարունակվի առնվազն մինչև տարեվերջ

Մարտի 20-ին Ազատության հրապարակում տեղի կունենա Արցախի ժողովրդի կարիքների ապահովման նախաձեռնության հանրահավաքը

Նիկոլ Փաշինյանը ԼՂ հայության բռնի տեղահանումը համարում է 2023 թվականի մեծագույն մարտահրավերը

Հայաստանը մնում է ՀԱՊԿ-ի դաշնակիցը. գլխավոր քարտուղար

Բեռլինում Արցախի մշակութային ժառանգության մասին գրքի շնորհանդեսը չեղարկվել է «միջոցառման դեմ զանգվածային արշավի և էսկալացիայի վտանգի» պատճառով

Ռուբլին, եվրոն և դոլարը էժանացել են

ԼՂ-ից բռնի տեղահանված 7 ընտանիք 16 միլիոն դրամ կստանա՝ սահմանամերձ գյուղերում բնակարան կառուցելու համար

ՀՀ տարածքում կան փակ ավտոճանապարհներ

Անահիտ Մանասյանը մասնակցել է Հիմնարար իրավունքների ֆորումին

Search