Այս տարվա բերքի տակ կատարված հացահատիկային մշակաբույսերի հնձի ենթակա 67 հազար 762 հեկտար ցանքատարածություններից հունիսի 12-ի դրությամբ հնձվել է շուրջ 15 հազար 417 հա:
Հանրապետությունում սկսվել է ցորենի և գարու բերքահավաքը. արդյունքները բավարար են
ՍՏԵՓԱՆԱԿԵՐՏ, 12 հունիսի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ԱՀ գյուղատնտեսության փոխնախարար Վիլեն Ավետիսյանը՝ նշելով, որ հնձի ենթակա ցանքատարածություններից 34 հազար 326 հա-ը ցորեն է, 32 հազար 85,5-ը՝ գարի և 1350,5 հա-ն էլ հաճար:
Ըստ Վ. Ավետիսյանի՝ հնձված 15 հազար 417 հա-ից 598 հա-ը ցորեն է, իսկ 14 հազար 819 հա-ը՝ գարի: Ցորենի միջին բերքատվությունը հեկտարից կազմել է 14,7 ց, իսկ գարունը՝ 17,6 ց:
«Համախառը բերքը կազմել է 26 հազար 948 տ, որից 876 տ ցորեն և 26 հազար 72 տ գարի: Բերքահավաքի աշխատանքներին ներգրաված է 204 կոմբայն, որից 154-ը՝ ԱՀ-ից, իսկ 50-ը՝ ՀՀ-ից: Հաշվի առնելով եղանակային անբարենպաստ պայմանները՝ բերքահավաքի արդյունքները կարելի է գնահատել բավարար»,-ավելացրել է փոխնախարարը:
