Artsakhpress

Հարցազրույց

Արցախի հետ շանտաժի լեզվով խոսել չի ստացվի. Տիգրան Աբրահամյան

Վերջին շրջանում արցախա-ադրբեջանական հակամարտ զորքերի շփման գծի տարբեր հատվածներում նկատվում է հակառակորդի գործողությունների աճ, որոնք դրսևորվում են ինչպես ինժեներա-ամրաշինական մեծածավալ աշխատանքների, այնպես էլ հրադադարի պահպանման ռեժիմի խախտումների տեսքով:

Արցախի հետ շանտաժի լեզվով խոսել չի ստացվի. Տիգրան Աբրահամյան

Արցախի հետ շանտաժի լեզվով խոսել չի ստացվի. Տիգրան Աբրահամյան
ՍՏԵՓԱՆԱԿԵՐՏ, 4 մայիսի, ԱՐՑԱԽՊՐԵՍ: Առաջնագծում տիրող իրավիճակի և առկա լարվածության մասին «Արցախպրես»-ի թղթակիցը զրուցել է ԱՀ Նախագահի անվտանգության հարցերով խորհրդական Տիգրան Աբրահամյանի հետ:
Հարցազրույցն ամբողջությամբ ներկայացնում ենք ստորև.
-Պարո՛ն Աբրահամյան, ԱՀ ՊՆ մամուլի ծառայության տարածած տեղեկատվության համաձայն՝ վերջին շրջանում շփման գծի տարբեր հատվածներում նկատվում է հակառակորդի գործողությունների աճ: Նկատելի է նաև, որ վերջին շաբաթվա ընթացքում ավելացել են հրադադարի պահպանման ռեժիմի խախտումները: Ներկայումս  ի՞նչպիսինն է իրադրությունն առաջնագծում:
-Իրադրությունն առաջնագծի տարբեր ուղղություններում տարբեր է՝ կախված, թե կոնկրետ տվյալ ուղղությամբ հակառակորդի գործողությունները ինչ բնույթ են կրում: Անկանոն կրակոցներ միշտ էլ եղել են, սակայն վերջին շրջանում Ադրբեջանի քայլերը սկսել են առավել նպատակային բնույթ կրել: Տեսանելի է, որ այդ երկրի զինուժը խնդիր է դրել ամեն գնով վնաս պատճառել՝ մարդկային, թե նյութական, դա նրա համար այս փուլում, կարծես թե, այդքան էլ էական չէ: Կարևորը հայկական կողմի վրա ճնշումների փորձեր ձեռնարկելն է, ինչը չի կարող ՊԲ-ի կողմից անպատասխան մնալ:
-Ադրբեջանական զինուժը բոլորովին վերջերս «ՍՎԴ» տիպի դիպուկահար հրացաններից կրակ է վարել ՊԲ արևելյան (Ակնա) հատվածում տեղակայված զորամասերից մեկի հացի ավտոմեքենայի ուղղությամբ՝ վնասելով թափքը, իսկ միայն մայիսի 2-ի լույս 3-ի գիշերը բանակի հյուսիս-արևելյան (Մատաղիսի) հատվածում գտնվող մարտական դիրքերի ուղղությամբ խոշոր տրամաչափի դիպուկահար զինատեսակներից, գնդացիրներից ու ինքնաձիգերից արձակել է շուրջ 330 կրակոց: Ձեր կարծիքով ի՞նչով է պայմանավորված հարևան երկրի կողմից նման պահվածքը, և արդյո՞ք առաջիկայում լարվածության աճը կարող է պահպանվել:
-Ադրբեջանը որոշակիորեն ակտիվացրել է իր ավանդական մարտավարությունը՝ փորձելով առաջնագիծը պահել լարվածության մեջ: Պաշտոնական Բաքվի այս վարքագիծը բխում է Արցախի հարցով ընթացող պրոցեսների տրամաբանությունից: Մինչ այս պահն Ադրբեջանը զուտ իմիտացիայիով է զբաղված՝ փորձելով ցույց տալ, թե պատրաստ է բանակցությունների վերսկսմանը, սակայն իրականում իր քայլերը հակառակն են հուշում: Բանակցությունների վերսկսման հետաձգումը պարարտ հող է ադրբեջանական սադրանքների համար:
-Պարո՛ն Աբրահամյան, շատ է խոսվում Ադրբեջանի կողմից ամրաշինական գործողությունների իրականացման մասին, ի՞նչ վտանգ է դա ներկայացնում, ի՞նչի մասին է խոսքը:
-Դրանք ռազմական, բազմաֆունկցիոնալ օբյեկտներ են, որոնք առաջին հերթին ծառայեցվում են, օգտագործվում են որպես ճնշման լծակներ՝ հայկական դիրքերի ուղղությամբ, հնարավորության դեպքում նաև թիկունքում գտնվող տարբեր նշանակության օբյեկտների, մարդկային ուժի ուղղությամբ կրակ բացելու, վնաս հասցնելու համար: Ակնհայտ է, որ «խաղաղության ուղերձների» ներքո Ադրբեջանը փորձում է առաջնագիծը նկարագրածս և դրա նշանակությամբ այլ ռազմական ենթակառուցվածքների ձևավորմամբ, հագեցմամբ նախապատրաստել հնարավոր սադրանքների: Ադրբեջանի այս պահվածքը նաև ցույց է տալիս, որ Ադրբեջանը ձեռքի տակ նոր սցենարներ է մշակում՝ ցանկացած պահի իրավիճակն առաջնագծում կտրուկ սրելու համար:
ՊԲ կանխարգելիչ գործողությունները նպատակ ունեն որոշակի պարբերականությամբ, ստեղծված անհրաժեշտությունից ելնելով, կանխելու Ադրբեջանի այն քայլերը, որոնք եթե ոչ այսօր, ապա կարճ ժամանակ անց կարող են լարվածության նոր փուլ թևակոխել:
 
-Վերջերս ադրբեջանական որոշ լրատվամիջոցների կողմից ապատեղեկատվություն էր տարածվել, թե հայկական առաջապահ ուժերը կրակահերթեր են արձակել մերձճակատային Չիրագլի գյուղի ուղղությամբ, որի ընթացքում գնդակոծության տակ են հայտնվել այդ ժամանակ տներից մեկի բակում գտնվող 4-ից 13 տարեկան մի քանի աղջիկ երեխաներ: Արդյո՞ք տեղեկատվական դաշտում ևս սպասվում են որոշակի ակտիվացումներ:
-Ադրբեջանն այդպիսի ապատեղեկատվության տարածմամբ հիմք էր նախապատրաստում ակտիվանալու, և ինչպես տարբեր փուլերում ենք տեսել, սադրանքները սկսեց տեղեկատվական նախապատրաստմամբ: Պատահական չէր, որ ՊԲ-ն օպերատիվ արձագանքել էր այդ ապատեղեկատվությանը՝ հաշվի առնելով, որ ծանոթ ենք նմանատիպ բովանդակությամբ տեքստերից հետո առաջնագծում նախկինում տեղի ունեցած զարգացումների փորձին: Սրան զուգահեռ՝ երկար ժամանակ է՝ Ադրբեջանի պաշտպանության գերատեսչությունը ջանքեր չի խնայում իր զինված ուժերի մասին «հերոսական ճանապարհ» կերտելուն, որը հիմնականում դրսևորվում է տարբեր հատուկ ջոկատայինների մասին կեղծ, հերոսական էջեր կերտելու և իր տարբեր մասշտաբների զորավարժություններին ընդգծված քարոզչական բնույթ հաղորդելուն: Ադրբեջանական քարոզչամեքենան աշխատանքներ է տանում ոչ միայն երկրի ներսում, այլ տեղեկատվական դաշտում գործիքներ է կիրառում՝ փորձելով ներազդել նաև հայ հանրության վրա:
-Պարո՛ն Աբրահամյան, և ամենակարևորի մասին՝ առջևում մայիսյան եռատոններն են: Հնարավո՞ր է որոշակի լարվածության աճի սպասել նաև այդ ընթացքում:
-Պաշտպանության բանակը տոնական, ոչ տոնական օրերին առաջնագծում ստեղծված ցանկացած  իրադրության ժամանակ իր ծառայությունը տանում է բարձր մակարդակով՝ պատրաստ լինելով կանխելու հակառակորդի ցանկացած փորձ, որը կարող է վտանգ առաջացնել իրադրության հետագա բարդացումների վրա: Արցախի հետ շանտաժի, սպառնալիքի լեզվով խոսել չի ստացվի:
Հարցազրույցը՝ Անի Ավանեսյանի

     

Քաղաքական

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

ՀՀ-ի և ԵՄ-ի միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար. «Հայաստանի բարեկամներ» ցանցի զեկույցը

Հայաստանի և Եվրոպական միության միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար։

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search